Қос жұлдыз жүйесiн зерттеуге арналған компьютерлiк эксперименттер

Аңдатпа

Мақалада қос жұлдыз жүйесiнiң механизмдерiн ашатын компьютерлiк (есептеу) эксперименттердiң нәтижелерi келтiрiлген. Аталған ғарыш жүйесiнiң динамикалық параметрлерiне теориялық талдау жасалды. қос жұлдыз
жүйесiнiң параметрлерiн есептеу кезiнде қолданылатын келтiрiлген және эффектiлi масса ұғымдарының мәнi ашылды. 
Есептеу экспериментi негiзiнде қос жұлдыз жүйесiнiң гравитациялық өрiсiнiң потенциалының компьютерлiк модельдерi және осы өрiстiң потенциалдық деңгейiнiң сызықтары ұсынылды. «қос жұлдыз – планета» жүйесiнiң динамикалық параметрлерi зерттелiп, қос жұлдыздардың тұрақты және тұрақсыз құрылымдары қарастырылды. Тұрақты орбиталардың екi түрi қарастырылды: а) «жеңiл» планета қос жұлдыз компоненттерi арасындағы қашықтықтан бiрнеше
есе көп қашықтықта болған жағдай; б) «жеңiл» планета қос жұлдыздың массивтi компоненттерiнiң бiрiнiң спутнигi болған жағдай.