Xe132 ауыр иондарымен сәулеленген CaF2 монокристалдарындағы индукцияланған оптикалық жұтылудың температуралық күйдірілуін және құрылымдық бұзылыстарды зерттеу
Қаралымдар: 36 / PDF жүктеулері: 32
Кілт сөздер:
кальций фториді, радиациялық ақаулар, абсорбциялық спектроскопия, жылдам ауыр иондармен сәулелену, термиялық күйдіру, Тауц әдісі, Урбах энергиясыАңдатпа
Бұл мақалада энергиясы 230 МэВ болатын Xe132 ауыр иондарымен сәулеленген кальций фториді (CaF2) монокристалдарындағы радиациялық процестер қарастырылады. Зерттеуде абсорбциялық спектроскопия және термобелсендірілген спектроскопия әдістері қолданылды. Термиялық күйдірудің радиациялық ақаулардан болатын құрылымдық өзгерістерге мен оптикалық жұтуға әсері зерттелді. CaF2 үлгілері 295 К-нен 1023 К-ге дейінгі температура аралығында сатылы түрде қыздырылды, бұл кристалдық құрылымның қалпына келу динамикасын және оптикалық сипаттамалардың өзгеруін зерттеуге мүмкіндік берді. Оптикалық спектроскопияның эксперимент нәтижелері Тауц және Урбах координаттарында талданды. Нәтижелер күйдіру температурасы жоғарылаған сайын жұту жолақтарының қарқындылығы төмендейтінін көрсетеді, бұл ақау орталықтарының рекомбинациясын және құрылымдық бұзылыстың төмендеуін айқындайды. Сондай-ақ, 800 К-нен жоғары температурада Урбах энергиясының жоғарылауы және жаңа құрылымдық ақаулардың пайда болуымен байланысты іргелі жарық жұту жиегінің ығысуы анықталды. Жұмыс иондармен сәулеленген материалдардағы радиациялық ақаулардың пайда болу және эволюциясы механизмдері туралы жаңа мәліметтерді береді және CaF2 негізіндегі оптикалық материалдардың сәулеленуге төзімділігін арттыру перспективаларын ашады.
