Recombination emission in the phosphor CaSO4-Pb2+

Аңдатпа

Оптикалық әдістермен CaSO₄-Pb²⁺ люминофорында пайда болған комбинирленген немесе индуцирленген электрондық сәулелену 2,9 эВ және 3,1 эВ тең күйінің түзілуі зерттелді. Комбинирленген электрондық сәулелену күйі Pb⁺-SO₄^-  қоспа орталықтарының электрондық күйлерінен және матрицаның SO₄^3--SO₄^- меншікті қармау орталықтарының электрондық күйлерінен тұрады. Қоспа қармау орталықтарының электрондық күйлері еркін зоналық электрондардың Pb²⁺ қоспасымен қармалуы кезінде немесе қоздырылған аниондық комплекстен  SO₄^2-(O^2--Pb²⁺)  қоспаға заряд тасымалдау нәтижесінде түзілген электрондардың локализациялануы кезінде Pb²⁺+(e^-+SO₄^-)→Pb⁺-SO₄^-  реакциясы бойынша түзіледі. Меншікті қармау орталықтарының электрондық күйлері еркін зоналық электрондардың аниондық комплекстермен қармалуы немесе қоздырылған аниондық комплекстен SO₄^-(O^2--SO₄^2-)  көрші аниондық комплекстерге заряд тасымалдау нәтижесінде түзілген электрондардың локализациялануы кезінде SO₄^2-+(e^-+SO₄^-)→SO₄^3--SO₄^- реакциясы бойынша түзіледі.

Өлшеулер көрсеткендей, 2,9 эВ және 3,1 эВ кезіндегі комбинирленген электрондық сәулелену күйлері 3,9-4,0 эВ және 4,5 эВ фотон энергияларымен қоздырылады. Сондай-ақ эксперименталды түрде көрсетілгендей, қармау орталықтары индуцирленген люминофорларда 3,9-4,0 эВ және 4,5 эВ фотондармен қоздырылған кезде 3,1 эВ және 2,9 эВ рекомбинациялық сәулеленулер қайта түзіледі. Осылайша, 3,9-4,0 эВ және 4,5 эВ фотон энергиялары CaSO₄-Pb²⁺ люминофор матрицасының мөлдірлік аймағында орналасқан электрондық және кемтіктік қармау орталықтары арасындағы қоздыру және сіңіру энергиялары болып табылады.